hits

Rett og slett eit lite innlegg om det å blogge

Så langt har eg tre upubliserte tekstar liggande her på bloggen min. Eg er ikkje ferdig med nokon av dei, fordi eg har stoppa opp og tenkt: BØR eg skrive om dette? Kor mykje skal eg utlevere meg sjølv og det eg har opplevd? Det er ein vanskeleg balansegang, fordi heile poenget med blogg er jo å formidle noko, og det vil eg jo. Men det er mange å ta omsyn til, særleg borna og kjærasten. Ingenting av det eg skriv skal vere ubehageleg for dei å lese, korkje no eller seinare. På same tid vil eg som nemnt dele litt av tankar og erfaringar eg har fått på ulike frontar av livet. 

Bloggen ligg open for alle, og eg anar ikkje kven som les. Det har forsåvidt ingenting å seie heller, fordi ingen skal på noko måte hengast ut her eller omtalast negativt. Det fører ikkje noko godt med seg. Då skal eg heller namngje viss det er noko særskilt positivt å skrive om nokon. Det vil det jo alltid vere, så kan hende det dukkar opp noko etter kvart. Men sjølv om eg ikkje skal nemne nokon med namn, kjem eg kanskje til å kommentere nokre opplevingar eg har hatt som vil vere identifiserbare for enkelte. Her er det eg må vurdere grundig kva eg seier. Ingen skal iallfall måtte grue seg for noko som helst, og om det skulle vere noko ein reagerer på, er det berre å sende ei melding. Den yngste systra mi er god på det, ho tek skjermdump og ringer rundt det ho tykkjer er flaut med TJUKKE sirklar rundt. Takk, Ragnhild, du er god, men du vert flau for INGENTING, så kan ikkje ta så mykje omsyn til det. Men du får meg til å smile :-) 

Takk til dei som har fulgt meg i oppstarten av ny blogg forresten! I kveld har ei utfordring til dykk:

Har du forslag til tema i eit blogginnlegg eg skal skrive?

Anten noko konkret du lurer på, noko du veit eg har opplevd eller synspunktet mitt på eit eller anna? Eg saknar litt meir kommunikasjon med dykk som les. Om du kjem med eitt eller ti forslag, køyr på! 

Håper nokon gidd å "hive seg på" utfordringa! :-)

 

2 kommentarer

Margrethe

16.01.2018 kl.22:21

Det er ikke alltid like lett å vite hva en kan skrive om! Jeg går omkring og tygger veldig på et tema.... men.. det er personlig, og det liker jeg ikke så godt! Mine innlegg er alltid "ufarlige" i så måte! Kanskje du kunne skrevet litt om det å ha langdistanse-forhold? Eller hvordan det er å ikke ha barna hele tida! Har jo følt mye på det sjøl de siste 14 åra..... Klemmer <3

hjartebru

16.01.2018 kl.22:54

Margrethe: Det høyrdest spennande ut, no lurer eg fælt på kva det temaet er :-) Takk for dei to tipsa! Eg har tenkt på dei sjølv òg, så sia du er så grei, så skal eg skrive om det. Klem <3

Skriv en ny kommentar

hjartebru

hjartebru

36, Time

Relativt strukturert, grublar mykje, kan fort bli litt småhissig, ein smule sta, kjempar for det og dei eg trur på, i stor grad introvert, trur på skjebnen, liker å setje meg mål, teknologisk anti- vidunder, planlegg ofte både viktige og uviktige ting, håplaus romantikar, prøver å vere meg sjølv mest mogleg og sjeldan redd for å gå mine eigne vegar. Dette kom ikkje i ei gjennomtenkt rekkjefølge, og eg har sikkert gløymt mykje, men det kjem vel fram etter kvart...

Kategorier

Arkiv